Apirilaren 18an, igandean, izango da, 19:30ean
CEAS Saharak, apirilaren 17an ospatzen den Preso Politikoen Eguna dela eta, online mahai-inguru bat antolatu da, ekintzaile sahararrek lurralde okupatuetan bizi duten egoera eta preso politiko sahararrek Marokoko kartzeletan bizi dutena bertatik bertara ezagutzeko.
Hitzaldia apirilaren 18an izango da, 19:30ean, eta hizlari hauek izango ditu:
- Javier Ruiz García, Gaztela-Mantxako Giza Eskubideen Behatokiko presidentea. Begirale gisa parte hartu du El Aaiun, Marrakech, Casablanca eta Rabaten saharar defendatzaileen aurka egindako epaiketetan.
- Hassanna Aalia, Giza Eskubideen aldeko aktibista, Gdeim Izik kanpalekuan parte hartzeagatik Marokok kondenatua
- Mahfouda Bamba Lefkir, Giza eskubideen defendatzailea eta Gdeim Izik-eko koordinakundeko kidea
- Baih Jamaa, CODESAko (Giza Eskubideen Defendatzaile sahararren Kolektiboa) Bulego Exekutiboko kidea
Mendebaldeko Saharan bizi diren saharar zibilei giza eskubideak urratzea ez da gauza berria; hori ohikoa da Marokoko okupazio-indarren aldetik, Espainiak 1974an Espainiako kolonia utzi zuenetik. Kartzelaratzeak, torturak, irainak, nahitaezko desagertzeak, oinarrizko eskubideak kentzea… saharar izateagatik soilik.
Marokoren eta Fronte Polisarioaren arteko gerrari 2020ko azaroaren 13an berrekiteak egoera larriagotu besterik ez du egin. Saharar ekintzaileek egunero jasaten duten errepresioa, giza eskubideen urraketak eta jazarpena onartezinak dira. Onartezina da kanpoaldearekin eta haien familiekin komunikaziorik ez izatea, mediku-laguntzarik ez izatea, konfinamendua eta preso politiko sahararrak jasaten ari diren erasoak. Horren aurrean, MINURSOk ekintzarik ez egitea eta Nazioarteko Komunitatearen, NBEren eta EBren isiltasun konplizea onartezinak dira.
Gure gonbidatuen testigantza baliotsuak ezagutu nahi dituzue? Zuen zain gaude!
Jarrai gaitzazu zuzenean hemen: https://cut.ly/3BR3rz3
Edo CEASen Youtubeko kanalean: https://www.youtube.com/channel/UCzlKRcCs99_-Cmv-OGypxhw
