Argazkia: Sahara Press Service
180 ibilgailu atera ziren asteartean Alacanteko portutik
2021. urteko Elkartasun Karabana Tindufeko errefuxiatuen kanpamentuetarako bidean dago jada. Asteartean, apirilak 13, ateran ziren karabana osatzen duten 180 ibilgailuak Alacanteko portutik Oranera (Argelia). Handik hasiko dute hurrengo etapa, Tindufera heldu arte.
Espaniako Fronte POLISARIOaren ordezkariak, Abdulah Arabik, elkartasun mugimenduaren esfortzua eskertu du, COVID-19aren pandemiak sortutako egoera zaila kontuan hartuz.
Hala, autonomia-erkidego guztietan mobilizazio-kanpaina handiei esker, 180 ibilgailu iritsiko dira saharar kanpamentuetara, janariz, osasun-materialez eta saharar erakundeei laguntzeko materialez beteta.
Arabako SEADen Lagunen Elkarteak, urtero lez, bat egin du Elkartasun karabanarekin bi kamoiekin. Bi ibilgailuetan kargatutako materialak ministerio desberdinetarako dira, Garapenerako Lankidetzaren Euskal Agentziak, Euskal Fondoak eta Gasteizko Udalak finantzatutako proiektuen barnean.
